Salta al contenuto

FRICCHINIDAS DE ESISTENZIA

De fricchinidas s’esistenscia nostra

est gasi fatta, in s’era ‘e su progressu,

su chi faghimus bene o a maluessu

a sa fine ponimus totu in mostra.

Donzi pessona tratzat bicchileddu

comente faghen trumas de frommija

e a pagu a pagu totu leat sa pija

de su ch’hat programmadu su cherveddu.

De fricchinidas est puru sa vida

chi ammuntonadas totas in su pesu

ti dan su contu de su ch’has ispesu

lassende fora sa tara medida.

Puru su tempus chi che passat lentu

ch’attraessamus fin a cando morte

sun fricchinidas giogadas a sorte

chi che frundimus in donzi momentu.

Please follow and like us:
Published inPoesie in lingua Sarda

Sii il primo a commentare

Lascia un commento

Il tuo indirizzo email non sarà pubblicato. I campi obbligatori sono contrassegnati *