Salta al contenuto

PEDROSAS CAMINERAS

Pedrosas camineras de montagna

chi reposades in sa mente mia,

caros ammentos de terra nadia

de pitzinnia in s’amada Sardigna.

A passu lebiu, cun su pensamentu,

bos attraesso cun coro ansimante,

mezus no poto ca che so distante

e m’accuntento solu de s’ammentu.

Bido sas fozas pienas de lentore

de sa murta s’iscoba e s’olidone,

sas cheas in ue bi faghian carvone

e miseros amparos de pastore.

E in sa memoria chi curret lontana,

in sos caminos de ‘irde istajone

no bido ne crabittos ne muflone

ch’andan a bier abbas de funtana.

Bido carchi sinnu e distruzione

e sonajolos beztzos de ruinzu

pinnettas chi han già ‘idu su cominzu

de s’abbandonu de ‘onzi masone.

Caminos mortos ue s’aineddu

lentu che pigaiat a memoria

garrigu de umiltade e gloria,

trazende onzi ricchesa ‘e tiu Nanneddu.Share

Please follow and like us:
Published inPoesie in lingua Sarda

Sii il primo a commentare

Lascia un commento

Il tuo indirizzo email non sarà pubblicato. I campi obbligatori sono contrassegnati *